Për të pajisur një mjet rrugor me Certifikatë ADR, kërkohet dorëzimi i dokumentacionit të mëposhtëm:
Formulari i aplikimit për certifikimin e mjetit rrugor sipas ADR-së.
Kontrolli teknik i mjeteve (SGS), i cili duhet të jetë kryer brenda 40 ditëve nga data e aplikimit.
Leja e qarkullimit së mjetit.
Certifikata e konformitetit e inspektimit të cisternës.
Pasaporta e cisternës.
Mandat-pagesa bankare me vlerë 4,000 lekë për lëshimin e Certifikatës ADR, e pagueshme në llogari të DPSHTRR-së.
Ekstrakti QKR i thjeshtë.
Kërkesat teknike për cisternat rrugore të transportit të mallrave të rrezikshëm janë të përcaktuara nga Marrëveshja Evropiane për Transportin Rrugor të Mallrave të Rrezikshëm (ADR).
Inspektimi dhe frekuenca e kontrolleve:
Përmbajtja dhe afatet e kryerjes së inspektimeve janë të përcaktuara nga ADR dhe të miratuara në Republikën e Shqipërisë sipas Ligjit Nr. 9272, datë 16.9.2004.
Cisternat rrugore për transportin e mallrave të rrezikshëm i nënshtrohen një inspektimi fillestar dhe periodik, i cili kryhet nga një trupë inspektuese e akredituar dhe e autorizuar nga autoritetet përkatëse.
Procedurat e inspektimit bazohen në Direktivën Evropiane 2010/35/EU për pajisjet nën presion të transportueshme.
Standardet dhe rekomandimet për inspektimin:
Inspektimi kryhet sipas SSH EN 12972-2018, që përcakton metodat dhe kriteret për testimin, inspektimin dhe shenjimin e cisternave metalike.
Në përputhje me Rekomandimet e Organizatës së Metrologjisë Ligjore (OIML R 80-1; 2009 dhe OIML R 80-2,3:2017).
Zbatimi i metodave dhe procedurave të përcaktuara në Pjesën II të ADR-së dhe Direktivën 2010/35/EU.
Procesi i Inspektimit:
Subjektet që përdorin cisterna për mallra të rrezikshme duhet të aplikojnë për inspektim përpara përfundimit të afatit të mëparshëm.
Trupa inspektuese lidh një kontratë me subjektin për të përcaktuar detyrimet e të dy palëve.
Subjekti duhet të sigurojë që kushtet e përdorimit dhe mirëmbajtjes janë në përputhje me kërkesat teknike për të garantuar konformitetin e vazhdueshëm të cisternës.
Certifikimi pas Inspektimit:
Pas kryerjes së inspektimit, trupa inspektuese lëshon Certifikatën e Inspektimit/Verifikimit, e cila përmban rezultatet dhe përcaktimin e konformitetit.
Certifikata mund të lëshohet edhe në rastet kur cisterna nuk përmbush kërkesat e ADR-së, me specifikimin e kufizimeve për përdorim.
Certifikatat e inspektimit i referohen listës së lëndëve të lejuara për transport në cisternë, sipas Pjesës II të ADR-së.
